花事了

是日用了個幾鐘bejewel，諗住標返個尾會，最後敗北收場…… -.- 我諗我同小遊戲的糾纏已告一段落，都係乖乖地輸左10蚊畀同事f算啦……佢地今期玩o既新game係「一個星期內不准剃鬚」，我只可以做旁觀者睇住一班男人o既毛髮o既生長過程，無份參與。

o係msn見到以前個bf，佢第一句問我「周秀娜真人靚唔靚？」，哈，證明佢一路都係……佢同我講左少少野，聽到都有d無奈。今日同朋友e講開我，佢話覺得揀bf梗係揀個佢鍾意自己多d o既，咁其實係對自己好d……佢講得都幾o岩既，但係唔講話呢個世界應唔應該咁計算，我都係以自己的感覺行先，係呢方面從來都係比較小朋友，咁咪即係要搵o個個我鍾意o既人出黎囉。e家成3點，我估「佢」o係地球某個角落瞓緊覺掛:p。

呢排個blog成日講見左咩人，食左d乜……真係好似無乜內涵咁喎！自從書展買左9本書，只係開左一兩本，都未有一本係睇得晒o既。有個fd話要做多d運動，搞到我又心多多，唔想睇咁多書。上網係幾好，不過都係逃避現實o既方法，自己同自己玩o既地方黎囉，如果唔係想乜都唔諗kill time，佢o既piority應該係最低。