西裝男偷拍事件

是日放工相約同事 R、J 和 I 去時裝 event，做了呢行咁多年，都未去過 fashion event 的，不過我地太遲去到，到埗已散水ed ，於是幾個人去左老蘭食越南野。


我與同事 I 在點菜，影完發現個頭菇形，於是摷鬆個頭繼續影……


同事 I 幫我拍的照，構圖非常好


我點了只有 1.幾 巴仙酒精的「越南香檳啤」，味道似「仙地」，飲了 2 支咁多


難得有化妝，影低留念


坐坐食食，坐到十一點幾，露天下大雨，有簷蓬，感覺 so good


食完坐地鐵回家，見架車無人，又不想坐，於是企左個殘障位，點知企企下有個西裝男企在我對面，之後佢囉個電話出黎，我見佢囉電話個手勢好奇怪，是囉住相機個邊，望望下見佢電池位度有鏡頭，好似影緊相咁，我勁啤左佢好耐，佢都冇郁，於是我見對面有位就坐低。

坐低之後深深不忿，於是反拍番佢。圖中所見，佢仲企緊係度扮玩電話，我原本就時企在發現男個位，影呢張相時坐低左。e 家 好多電話都有拍攝功能，想偷拍實在非常之咁方便。當時我真是啤了佢好耐，但佢都可以繼續扮無野，佢好明顯不是第一次囉住部電話周圍影，影張相，實在太方便同輕易，好似 no big deal。我並不是針對他影相的（唉，因為我自己都影了一張），而是對他不尊重的行為反感，呢 d 事絕對不可以合理化！



非常憤怒的我，f 說，係咪你著得少... 但我覺得著得少都不是老奉畀人亂影的！